Metamorphosis, projekt i zbatuar nga Shtatëmbëdhjetë, e vë në dialog artin dhe kulturën për të diskutuar rëndësinë e shfrytëzimit të hapësirës publike. Duke rikthyer në jetë objektet e braktisura dhe duke i rivitalizuar ato qoftë edhe për një ditë, mëtohet që të dokumentohet kujtesa kolektive e një të kaluare për të cilën pak flitet, dhe të trajtohet shfrytëzimi i hapësirës publike në të mirën e komunitetit. Metamorphosis fokusohet veçanërisht në objekte, monumente dhe hapësira publike të cilat janë edhe produkt i proceseve të shumta shoqërore.
Përgjatë katër edicioneve të Metamorphosis, janë trajtuar katër hapësira me vlera kulturore, historike dhe sociale. Shtatëmbëdhjetë tashmë ofron një formë tjetër të eksplorimit të këtyre hapësirave përmes ecjeve që mund të kuptoni më shumë rreth aspekteve të ndryshme të zhvillimit të qytetit përmes narrativave që këto objekte të braktisura na sjellin.
Një formë tjetër e njohjes së qytetit, ku aspekte të zhvillimit shoqëror, arkitekturore dhe fragmente historike do të dalin në pah përgjatë kësaj ecje.
Rreth ecjes/
Pika e takimit: Grand Hotel
Kohëzgjatja e ecjes: 2 orë
Lokacionet:
Ish-mensa e punëtorëve të kompanisë Ramiz Sadiku
Ish-restorant Marsi
Objekti i Kryqit të Kuq
Kino Rinia
Metaorphosis Walks përfshinë/
Kafe/çaj falas në Project Space 17
Tour falas në Galeria 17
Tour në Rezidenca 17 (opsionale)
Për të rezervuar ecjen, dërgoni email në: [email protected] apo këtu
