Kjo është një nismë e dedikuar për t’iu mundësuar bashkatdhetarëve të takohen dhe të bashkëbisedojnë me përfaqësuesit e institucioneve qendrore dhe lokale gjatë vizitave të tyre në Kosovë. 

Kuvendi i Kosovës do të jetë një pikë e rëndësishme e kësaj vizite, ku bashkatdhetarët do të kenë mundësi të diskutojnë hallet dhe shqetësimet e tyre, dhe gjithashtu të paraqesin kërkesat e tyre direkte te deputetët. Ne jemi të bindur se kjo do të ndihmojë në forcimin e bashkëpunimit dhe në rritjen e transparencës midis institucioneve dhe qytetarëve të Kosovës jashtë vendit.