Vushtrri, Mitrovicë, dhe Skenderaj – Gusht
Përzgjedhja e 20 artistëve të rinj lokal dhe nga diaspora jonë: “Gjurmët” do të bëjë përzgjedhjen e 20 poetëve të rinj nga vendi dhe diaspora, të cilët interpretojnë poezitë e tyre gjatë manifestimit kulturor “Ditët e Diasporës 2024”, me motive tradicionale shqiptare, kulturore dhe të trashëgimisë jo-materiale të Komunës së Vushtrrisë, nën temën: “Unë jam pjesë e Atdheut”.
Vushtrri, Gusht
Vizitë studimore kulturore në Vicianën e lashtë Antike – monumentet e trashëgimisë materiale: Të rinjtë nga diaspora do të vizitojnë monumentet kryesore të trashëgimisë tonë kulturore për tu njohur për së afërmi me kulturën dhe trashëgiminë tonë kulturore dhe për të promovuar atë nëpër vendet ku jetojnë dhe veprojnë në diasporë!
Vushtrri, Gusht
Mbrëmje rinore poetike dhe letrare: Rreth 20 Krijues letrar dhe poetë nga vendi dhe diaspora jonë do të mblidhen për të interpretuar poezitë e tyre para një audience të hapur me motive atdhedashurisë, trashëgimisë tonë shpirterore, etj në natën finale, nën temën “Unë jam pjesë e Atdheut”.
Vushtrri, Gusht
“Sofra shqiptare – Buk e kryp e zemër”: Në natën e fundit të manifestimit, pas interpretimit të poezive, për të pranishmit do të organizohet aktiviteti “Sofra shqiptare –Buk e kryp e zemër”, ku do të promovohen ushqimet dhe produktet tona tradicionale përcjellur me koktej rasti, duke promovuar kështu sofrën shqiptare ndër vite. Poashtu piktorët dhe fotografët e rinj do të prezantojnë pikturat/fotografitë që kanë realizuar gjatë këtij manifestimi, duke promovuar kështu traditën dhe kulturën shqiptare, duke dëshmuar ruajtjen e vlerave që posedojmë dhe rritjen e bashkëpunimit në fushat: kulturë, art, muzikë, biznes, diasporë, rrjetëzim dhe bashkëpunim etj. Në fund do të ndahen cmime për pjesëmarrje dhe përformancat më të mira, vlerësimin e të cilave do ta bëjë një komision i pavarur, profesional dhe vullnetar prej 3 personave.
Vushtrri, Gusht
Program kulturor dhe artistik: Ky aktivitet do të sjell këngë të lehta qytetare dhe argëtuese përcjellur edhe me këngë folklorike dhe me performancë të grupeve të ansambleve dhe këngëve shqipe. Në fund do të ndahen falënderime për pjesmarrës. Ky program do të organizohet në sheshin e Vushtrrisë dhe do të jetë i hapur për publikun e gjerë.
Kontakti: [email protected]
