Data: 2 gusht 2025
Vendi: Sheshi “Skënderbeu”, Prishtinë
Koha: 20:20
Si çdo vit, Festivali Ndërkombëtar i Operës “Rame Lahaj” (RLIOF) do të përmbyllet me mbrëmjen madhështore Gala “Rame Lahaj & Friends”, duke sjellë një festë të artit operistik në kulmin e tij, në zemër të Prishtinës. Emra të njohur nga skenat më prestigjioze, si sopranoja gjeorgjiane Nino Machaidze, basi italian Dario Russo dhe tenori ynë i çmuar Rame Lahaj, do të ngjiten në skenë për të dhuruar emocione të paharrueshme. Nën drejtimin e dirigjentit Roberto Rizzi Brignoli, Sheshi “Skënderbeu” do të shndërrohet në një teatër të vërtetë opere nën qiellin e hapur – një skenë pa mure. Në përputhje me temën e këtij edicioni të pestë, kemi guxuar të ëndërrojmë pa kufij, duke sjellë muzikë të madhe në çdo hapësirë dhe duke e kthyer atë në skenë. Në këtë mbrëmje të veçantë, artistë nga vende të ndryshme të botës do të bashkohen për të jetësuar gjuhën universale që nuk njeh kufij – muzikën.
Për bileta klikoni këtu.
Për më shumë informacion klikoni këtu.
