Prishtinë, 21 Korrik – 02 Gusht
Përjetoni magjinë e ditëve të verës në Prishtinë, duke u bërë pjesë e ngjarjes më të rëndësishme të kalendarit kulturor të kryeqytetit. Festivali Ndërkombëtar i Operas – Rame Lahaj, tash e katër vite ofron program divers me mbrëmje muzikore, masterklasë, ekspozitë e gala mbrëje. Festivali i vetëm i operas në vend dhe rajon sjell yjet e artit operistik, bashkon muzikantët që synojnë skenat prestigjioze dhe ofron për publikun një rrugëtim magjik muzikor.
Gjatë ditëve të festivalit, kryeqyteti bëhet nikoqir i muzikantëve nga e gjith bota të cilët përveç intepretimeve mahnitëse, njihen nga afër me potencialin artistik të vendit tonë dhe shkëmbejnë përvoja e kontakte me këngëtarët e rinj lirikë.
RLIOF është festë e hapur për të gjithë dhe mbahet çdo fundkorrik në mënyrë që edhe diaspora ta ketë rastin t’i shijojë mbrëmjet e mrekullueshme muzikore. Edicioni i katërt i Festivalit Ndërkombëtar të Operas – Rame Lahaj mbahet mes datave 21 Korrik e 2 Gusht.
Linku për regjistrim për pjesmarrje: këtu.
